منتديات الجمل

لا اله الا الله
 
الجملالجمل  الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


شاطر | 
 

 Lightbulb شاهد بطولات العالم بدون تشفير مع TRIPLE

اذهب الى الأسفل 
كاتب الموضوعرسالة
el_kobtan
المشرف العام
المشرف العام
avatar

عدد المساهمات : 755
نقاط : 1822
تاريخ التسجيل : 14/08/2009

مُساهمةموضوع: Lightbulb شاهد بطولات العالم بدون تشفير مع TRIPLE   الإثنين أغسطس 31, 2009 10:52 am



شاهد بطولات العالم بدون تشفير

نبتدى بشرح الفيد


ما هو الفيد؟


الفيد هى قناة بتستخدمها قناة رسمية فى نقل حدث ما بيقع خارج حدود هذه
القناة و غالباً ما يستخدم فى نقل الأحداث الرياضية و السياسية التى تحتاج
الى نقل مباشر على الهواء


طيب ايه الفيدات المهمة اللى تهمنى أنا كمشاهد عربى ما كل حاجة بتتنقل بعد
كدة فى قناة تانية على الهواء يبقى ليه اتعب نفسى و اظبط قناة على قمر
تانى مادمت بشوف الحدث على قنواته الأساسية؟


ببساطة الكلام منطقى وده بينطبق على الأحداث السياسية لكن ده مش الحال مع
الأحداث الرياضية لأن فى الغالب الأعم بتبقى القناة اللى مستخدمة الفيد
متشفرة


طيب ازاى اظبط الفيد ده؟


ببساطة الفيد بيبقى على قمر من الأقمار الغير مشهورة علشان مايبقاش سهل الوصول اليه


أولاً بتظبط القمر عندك عن طريق قناة أساسية من قنواته


ثانياً ودى بقى حسب نوع الفيد لو فيد ثابت يعنى مش بيفصل لو مش منقول عليه حدث سهل تظبطه فى أى وقت


طيب لو من النوع اللى بيفصل هعمل ايه يا فالح؟


بسيطة جداً تعالى قبل ميعاد الحدث اللى انت عايز تشوفه بربع ساعة - نص
ساعة و اظبطه و اكيد هتلاقيه ابتدى فى نقل الإستعدادات للحدث ده


طيب ايه الأقمار المهمة اللى عليها فيدات يعنى هل فى فيد على النايلسات أو العربسات أو الهوتبيرد؟


سياسية أه لكن رياضية لاااااااااااااا


طيب و مالك كدة بتقول لااااااااااااا و انت


فرحان هى دى حاجة تفرح؟


طبعاً


طبعاً؟ انت بتهرج


لا والله بس من المصلحة ان النقل مايتمش عل قمر اساسى و إلا فإن الفيد
هيتشفر أثناء النقل لكن كونه على قمر بعيد ده يخليهم مايفكروش يشفروه لقلة
الناس اللى هتقدر توصل له أساساً


طيب ايه الأقمار اللى عليها فيدات و ازاى أقدر اظبطها؟


بص يا سيدى أنا هتكلم مبدئياً عن الفيدات الرياضية المهمة منها عنى فيدات كرة القدم و المصارعة


لقمر الأول هو AtlanticBird 1 وموقعه 12.5 درجة غرب وده المسؤول حصرياً عن
المصارعة فى الشرق الأوسط على الهواء بكل عروضها وهو بعد النايلسات بحاجة
بسيطة


عكس اتجاه عربسات وميزة القمر ده ان الفيد الأساسى بتاعه ثابت يعنى مش بيفصل فى غير أوقات البث فقط بيجيب خطوط ملونة


اظبط التردد الأتى


11014 أفقى 20150


هيطلع 5 قنوات بتاعة المصارعة فيهم اسمها Channel 2


وفى تردد تانى بس مش ثابت يعنى بيشتغل بس قبل العرض بربع ساعة على التردد التالى


12641 أفقى 6110


هيطلع قناة واحدة اسمها Channel 21


دى هى فيدات المصارعة طب و كرة القدم؟


بص يا سيدة عندنا كذا قمر أساسي وانا معاك لحد ما تظبطهم كلهم


******* 2B وده عليه فيد واحد بس مهم و مش ثابت و بينقل الفيد ده بطولة دورى أبطال


العرب فى حال وجود المباراة فى أى دولة عربية غير مصر بشرط وجود أكتر من
مباراة خارج مصر يعنى لو فى مباراة واحدة خارج مصر غالباً مش هتبقى عليه
وتردد الفيد ده


12564 عمودى 4220


والقمر ده عند 30.5 شرق يعنى بعد العربسات بحاجة بسيطة فى غير اتجاه
نايلسات و لو عايز تظبط القمر فى غير أوقات المباريات فعليك بتردد باقة
المجد على القمر ده


12660 عمودى27500


PAS 4 وده القمر الأساسى لدورى أبطال العرب و بيقع عند 72 درجة شرق يعنى
بعد العربسات و التركى بمسافة كبيرة قوى و يمكن تحتاج فى بعض الأحوال
لترحيل دراع الموتور ناحية الشرق شوية علشان تقدر تجيبه و هو


تردد غير ثابت وهو التردد الأساسى فى حالة وجود مبارة على الأقل خارج مصر و تردد الفيد ده


11513 عمودى 4220


ولو عايز تظبط القمر فى غير أوقات المباريات عليك بتردد قناة السومرية على القمر ده


11521 عمودى 4220


Express AM22 وده عليه قنوات النقل من جوة مصر حصرياً سواء لدورى أبطال العرب و غيره


والقمر بيقع عند 53 درجة شرق يعنى برضه بعد العربسات و التركى و الفيد
عليه ثابت يعنى مش بيفصل بالعكس هتلاقى مع الفيد قناة المصرية أمريكا و
النيل للدراما والفيد فى بعض الأحيان بيتشفر بس مش فى كل الأحيان و تردد


الفيد ده


12663 عمودى 30000 هتلاقى عليه فيدات كتيرة المفتوح منها و المتشفر بتاع
المباريات بس هما 2 واحد اسمه Feed2 والتانى (ده لو فى أكتر من مباراة)
اسمه Feed4


Eutelsat W1 وده عند 10 شرق يعنى أقرب للهوتبيرد عنه للنايلسات وهو بين
الأتنين و عليه 3 فيدات واحد خاص بالدورى الأسبانى لقناة الجزيرة الرياضية
على تردد


11134 أفقى 5064 وده بإسم ALJAZEERA


والتانى خاص بقناة الأرسنال و بيشتغل فى اليوم اللى فيه مباراة للفريق بالليل يعنى مش ع الهوا وتردده 10995 عمودى 5632


والتالت خاص بقناة ليفربول و ده زى اللى فات بيشتغل يوم ما يبقى فيه مباراة للفريق بالليل وتردده


11004 عمودى 5632


ولو عايز تظبط القمر فى غير أى من الأوقات اللى فاتت دى فعليك بقناة ANB وهى على تردد


11144 أفقى 2442


Eutelsat W3A وده عند 7 درجات شرقاً يعنى برضه قبل الهوتبيرد بحاجة بسيطة
ناحية نايلسات وعليه فيد قناة نادى الإنتر ميلان و برضه بيشتغل يوم ما
يبقى فى مباراة للفريق بالليل على تردد


11070 أفقى 6666


ولو عايز تظبط القمر فى غير أوقات المباريات فعليك بتردد قناة TV5 Orient على القمر ده


11283 عمودى 27500


بس كده أظبط انت بس الفيدات اللى فاتت و هتلاقى عندك جميع المباريات المتشفرة فى أى بطوله عندك على الهواء و ادعى لي


استنى استنى انت رايح فين انت يا عم ما جبتليش سيرة فيدات للبطولات
الأوروبية خالص هى مالهاش فيدات ولا ايه فين دورى أبطال أوروبا و فين
الدورى الإيطالى و الإنجليزى


يا عم انت جيت فى جمل فى كام قناة على كام قمر كدة اظبطهم و هم بينقلوا
جميع البطولات الأوروبية وهى قنوات ثابتة على أقمارها اهى ياسيدى انقل
معايا:


على قمر Intelsat 902 اللى عند 62 شرق في قناة الإيرانية 3 و دى بتنقل
أبطال أوروبا و الإنجليزى و الإيطالى والأسبانى أحياناً و دى على تردد


وعلى قمر Eutelsat W2 فى قناة أرمينيا عند 16 درجة شرق ودى بتنقل الدورى الإيطالى على تردد


12723 عمودى 3419


وعلى القمر التركى Eurasia SAT عند 42 شرقاُ فى قناتين للدورى الإنجليزى و دورى أبطال أوروبا هما


ANS TV على 11800 أفقى 2400


Star TV على 12652 أفقى 2250


وقناة للدورى الإيطالى هى قناة TV8 على تردد


11830عمودى 6666


ها يا سيدى أظن كدة مش فاضل حاجة؟


لأ يا عم لسة فين البطولات الأفريقية اللى بتيجى بس على الـART بس


تخيل كنت فاكرك أنصح من كدة ياعم ماكلها بتيجى على قناة اريتريا على العربسات على تردد


11747 عمودى 27500


واللى مش هتلاقيه عليها أكيد هتلاقيه على قناة الإيرانية 3 اللى أنا قلت لك عليها


ولعلمك بقى علشان مابقاش سبت حاجة


الدورى الفرنسى على قناة TV5 Orient على النايلسات


الدورى الألمانى على قناة دبى الرياضية على النايلسات والعربسات فقط


الدورى الأسبانى على الجزيرة الرياضية على النايلسات و العربسات و اللى ضعيفة عندهم يرجعوا للفيد اللى أنا حطيته فوق و أكيد هيلاقيها


كأس انجلترا برضه على الجزيرة الرياضية


كأس الرابطة الأوروبية برضه على الجزيرة الرياضية


الدورى الأرجنتينى على السعودية الرياضية على النايلسات


الدورى البرازيلى على قناة MagicTV على الهوتبيرد تردد 12188 عمودى 27500


أما الدوريات العربية المحلية فعلى كل قناة حكومية لكل دولة ان لم يكن لها قناة رياضية


وأظن كدة مش ناقص أى دورى مشهور فى العالم ماجبتهوش لأ و ايه على قنوات
مفتوحة مش متشفرة ولا حتى مكسورة الشفرة كله فى المفتوح وكله فقط و حصرياً
اظن انا شرحى واضح اوعة حد مافهمش شرحى



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
Lightbulb شاهد بطولات العالم بدون تشفير مع TRIPLE
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الجمل :: المنتدى الرياضى :: قسم القنوات الرياضيه-
انتقل الى: